سیدنا عبداللہ بن عباس رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”خبر معائنہ کی طرح نہیں ہوتی (یعنی سنی ہوئی اطلاع، بذات خود مشاہدہ کرنے کی مانند نہیں ہوتی، اس کی مثال یہ ہے:) جب اللہ تعالیٰ نے سیدنا موسیٰ علیہ السلام کو یہ خبر دی کہ اُن کی قوم کے افراد نے بچھڑے (کی پوجا شروع کر دی ہے) تو انہوں نے ”الواح“ (جن میں تورات تحریر تھی) اُن کو ایک طرف نہیں رکھا، لیکن جب اُنہوں نے اپنی قوم کے طرزعمل کا مشاہدہ کیا، تو ”الواح“ کو ایک طرف رکھا اور وہ ٹوٹ گئیں۔
یہ روایت امام أحمد نے امام بزار نے اور امام طبرانی نے معجم کبیر اور معجم اوسط میں نقل کی ہے، اس کے رجال صحیح کے رجال ہیں ابن حبان نے اسے صحیح قرار دیا ہے۔ [مجمع الزاوئد ومنبع الفوائد/كِتَابُ الْعِلْمِ/حدیث: 687]

سیدنا انس رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”خبر معائنہ کی طرح نہیں ہوتی ہے۔“
یہ روایت امام طبرانی نے معجم اوسط میں نقل کی ہے اور اس کے رجال ثقہ ہیں۔ [مجمع الزاوئد ومنبع الفوائد/كِتَابُ الْعِلْمِ/حدیث: 688]