سیدنا حبشی بن جنادہ رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا: ”معک، ایک قسم کا ظلم ہے“۔
یہ روایت امام طبرانی نے نقل کی ہے۔ اس کی سند میں ایک راوی علی بن موسیٰ بن عبیدہ ہے، اور میں اس سے واقف نہیں ہوں۔ اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كِتَابُ النِّكَاحِ/حدیث: 7588]

سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم نے اغتیال (یعنی دودھ پلانے والی عورت کے ساتھ صحبت کرنے) سے منع کیا پھر آپ نے ارشاد فرمایا: اگر یہ چیز کسی کے لئے نقصان دہ ہوتی، تو یہ اہل ایران اور اہل روم کو نقصان پہنچاتی۔ ابن بکیر کہتے ہیں: اغتیال یہ ہے کہ آدمی اپنی بیوی کے ساتھ صحبت کرے جبکہ وہ دودھ پلانے والی ہو۔
یہ روایت امام طبرانی اور امام بزار نے نقل کی ہے اور اس کے رجال صیح کے رجال ہیں۔ [مجمع الزاوئد ومنبع الفوائد/كِتَابُ النِّكَاحِ/حدیث: 7589]

سیدنا ابوہریرہ رضی اللہ عنہ بیان کرتے ہیں: نبی اکرم صلی اللہ علیہ وسلم نے غیل سے منع کیا پھر آپ نے ارشاد فرمایا: یہ چیز فارسیوں کو اور رومیوں کو تو کوئی نقصان نہیں پہنچاتی۔ (راوی کہتے ہیں:) اس سے مراد یہ ہے کہ آدمی اپنی بیوی کے ساتھ اس وقت صحبت کرے جب وہ دودھ پلاتی ہو۔
یہ روایت امام طبرانی نے معجم اوسط میں نقل کی ہے۔ اس کی سند میں ایک راوی لیث بن حماد ہے، اور وہ ضعیف ہے۔ [مجمع الزاوئد ومنبع الفوائد/كِتَابُ النِّكَاحِ/حدیث: 7590]