بکر بن عبداللہ المزنی رحمہ اللہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”میری زندگی تمہارے لیے سراپا خیر ہے، تم مجھ سے کلام کرتے ہو اور تمہارے لیے (بذریعہ وحی) کلام کیا جاتا ہے، اور میری وفات بھی تمہارے لیے باعثِ خیر ہے، تمہارے اعمال میرے سامنے پیش کیے جائیں گے، پس میں جو عمل نیک پاؤں گا اس پر اللہ تعالیٰ کی حمد و ثنا بجا لاؤں گا، اور جو (گناہ کی صورت میں) کچھ اور ہو گا تو میں تمہارے لیے اللہ تعالیٰ سے مغفرت طلب کروں گا۔“
(163) سیدنا خالد بن ولید رضی اللہ عنہ کی حدیث جو نبی کریم صلی اللہ علیہ وسلم کی پیشانی کے مبارک بالوں کے متعلق ہے، خالد بن ولید رضی اللہ عنہ کے فضائل و مناقب کے بیان میں مروی ہے۔ [المطالب العالية بزوائد المسانيد الثمانية/كِتَابُ الْمَنَاقِبِ/حدیث: 3824]