اللہ تعالیٰ کا ارشاد گرامی ”پس تم اس (ذبیحہ) میں سے کھاؤ جس پر اللہ کا نام لیا گیا ہو اگر تم اس کی آیات پر ایمان رکھنے والے ہو، اور تمہیں کیا ہوا ہے کہ تم اس میں سے نہ کھاؤ جس پر اللہ کا نام لیا گیا ہو حالانکہ اللہ نے تمہارے لیے ان تمام چیزوں کی تفصیل بیان کر دی ہے جو اس نے تم پر حرام کی ہیں سوائے اس کے جس کے لیے تم سخت مجبور کر دیے جاؤ، اور بلاشبہ بہت سے لوگ اپنی نفسانی خواہشات کے ذریعے علم کے بغیر گمراہ کرتے ہیں، یقیناً آپ کا رب حد سے تجاوز کرنے والوں کو خوب جاننے والا ہے، اور تم ظاہری اور پوشیدہ گناہ کو چھوڑ دو، بے شک جو لوگ گناہ کماتے ہیں انہیں عنقریب ان کے کیے کا بدلہ دیا جائے گا، اور تم اس (جانور) میں سے نہ کھاؤ جس پر اللہ کا نام نہ لیا گیا ہو اور بلاشبہ یہ فسق ہے، اور یقیناً شیاطین اپنے دوستوں کے دلوں میں وسوسے ڈالتے ہیں تاکہ وہ تم سے جھگڑا کریں، اور اگر تم نے ان کی اطاعت کی تو یقیناً تم بھی مشرک ہو جاؤ گے۔“