اللہ تعالیٰ کے اس ارشاد کے متعلق ہے کہ ”اور بے شک جہنم ان سب کے لیے وعید کی مقررہ جگہ ہے، اس کے سات دروازے ہیں اور ہر دروازے کے لیے ان (پیروکاروں) میں سے ایک مخصوص اور تقسیم شدہ حصہ ہے“۔

”اور ان کے سینوں میں جو کچھ بھی بغض و کینہ تھا اسے ہم نے کھینچ نکالا، اب وہ بھائی بھائی بن کر آمنے سامنے تختوں پر متمکن ہوں گے۔“

اللہ تعالیٰ کے اس ارشادِ گرامی کے بیان میں کہ ”انہیں وہاں (جنت میں) کوئی تھکن نہیں پہنچے گی اور نہ ہی وہ وہاں سے نکالے جائیں گے۔“

اللہ تعالیٰ کے اس ارشادِ گرامی کے بیان میں کہ: ”ارشاد فرمایا: اور اپنے پروردگار کی رحمت سے گمراہوں کے سوا بھلا کون ناامید ہوتا ہے؟“

”سوائے لوط کے گھر والوں کے، ہم ان تمام کو یقیناً نجات دینے والے ہیں، بجز ان کی بیوی کے جس کے متعلق ہم نے فیصلہ کر لیا ہے کہ وہ پیچھے رہ جانے والوں میں سے ہوگی۔ پھر جب لوط کے گھر والوں کے پاس وہ بھیجے ہوئے فرشتے پہنچے تو لوط نے کہا کہ بے شک تم تو ایسے لوگ ہو جن سے میں واقف نہیں۔ انہوں نے کہا بلکہ ہم آپ کے پاس وہ چیز (عذاب) لے کر آئے ہیں جس میں یہ لوگ شک کیا کرتے تھے، اور ہم آپ کے پاس حق لے کر آئے ہیں اور ہم یقیناً سچے ہیں۔ پس آپ رات کے ایک حصے میں اپنے گھر والوں کو لے کر نکل جائیے اور خود ان کے پیچھے پیچھے چلیے، اور آپ میں سے کوئی مڑ کر نہ دیکھے اور وہیں چلے جائیے جہاں کا آپ کو حکم دیا جا رہا ہے۔ اور ہم نے لوط کی طرف اس معاملے کا قطعی فیصلہ کر دیا کہ صبح ہوتے ہی ان لوگوں کی جڑ کاٹ دی جائے گی۔ اور شہر والے (مہمانوں کی آمد پر) خوشیاں مناتے ہوئے آپہنچے۔ لوط نے کہا کہ یہ میرے مہمان ہیں، سو مجھے رسوا نہ کرو، اور اللہ سے ڈرو اور مجھے ذلیل نہ کرو۔ وہ کہنے لگے کہ کیا ہم نے آپ کو دنیا بھر کے لوگوں کی طرفداری سے منع نہیں کیا تھا؟ لوط نے کہا کہ اگر تمہیں کچھ کرنا ہی ہے تو یہ میری (قوم کی) بیٹیاں حاضر ہیں۔ (اے نبی!) آپ کی عمر کی قسم! بے شک وہ اپنی مستی میں اندھے ہو کر بھٹک رہے تھے۔ پھر سورج نکلتے ہی انہیں ایک سخت چنگھاڑ نے آپکڑا، تو ہم نے اس بستی کے بلند حصے کو اس کا پست حصہ بنا دیا اور ان پر پکی ہوئی مٹی کے پتھر برسائے۔ بے شک اس میں علامات و آثار سے حقیقت پہچاننے والوں کے لیے یقیناً بڑی نشانیاں ہیں۔“

اللہ تعالیٰ کے اس ارشادِ گرامی کی وضاحت میں کہ ”اور بے شک بن (جھاڑیوں) والے یقیناً بڑے ظالم تھے، سو ہم نے ان سے انتقام لیا اور بلاشبہ وہ دونوں (بستیاں) ایک کھلے اور واضح راستے پر واقع ہیں“۔

”اور بلاشبہ یقیناً حجر والوں نے بھی رسولوں کو جھٹلایا، اور ہم نے انہیں اپنی نشانیاں عطا کیں مگر وہ ان سے مسلسل روگردانی ہی کرتے رہے، اور وہ پہاڑوں کو تراش کر (ان میں) امن و اطمینان کے ساتھ گھر بنایا کرتے تھے، پھر صبح ہوتے ہی انہیں ایک ہولناک چنگھاڑ نے اپنی گرفت میں لے لیا، پس ان کی وہ کمائی (اور ہنر) ان کے کچھ کام نہ آئی جو وہ کرتے تھے۔“