اللہ تعالیٰ کے اس ارشادِ گرامی کے بیان میں کہ ”آج کے دن ہم ان کے مونہوں پر مہر ثبت کر دیں گے اور ان کے ہاتھ ہم سے کلام کریں گے، جبکہ ان کے پاؤں ان (اعمال) کی گواہی دیں گے جو وہ (دنیا میں) کمایا کرتے تھے۔“

”اور ہم نے ان (نبی کریم ﷺ) کو شاعری نہیں سکھائی اور نہ ہی یہ ان کے لیے موزوں ہے، یہ تو محض ایک نصیحت اور واضح قرآن ہے“۔

اللہ تعالیٰ کا ارشاد ”کیا انسان نے نہیں دیکھا کہ ہم نے اسے نطفے سے پیدا کیا، پھر وہ اچانک صریح جھگڑا کرنے والا بن گیا، اور اس نے ہمارے لیے ایک مثال بیان کی اور اپنی پیدائش کو بھول گیا، کہنے لگا کہ ”ان ہڈیوں کو کون زندہ کرے گا جب کہ وہ بوسیدہ ہو چکی ہوں گی؟“ آپ فرما دیجیے کہ ”انہیں وہی زندہ کرے گا جس نے انہیں پہلی مرتبہ پیدا کیا تھا، اور وہ ہر طرح کی تخلیق کا بخوبی جاننے والا ہے، وہی ہے جس نے تمہارے لیے سبز درخت سے آگ پیدا کر دی تو تم اس سے آگ سلگاتے ہو، کیا وہ ذات جس نے آسمانوں اور زمین کو پیدا کیا اس پر قادر نہیں کہ ان جیسوں کو پیدا کر دے؟ کیوں نہیں! اور وہی تو اصل پیدا کرنے والا اور بڑا علم رکھنے والا ہے، اس کا حکم تو بس یہ ہے کہ جب وہ کسی چیز کا ارادہ فرماتا ہے تو اسے کہتا ہے کہ ”ہو جا“ تو وہ ہو جاتی ہے، پس پاک ہے وہ ذات جس کے ہاتھ میں ہر چیز کی مکمل بادشاہی ہے اور تم سب اسی کی طرف لوٹائے جاؤ گے“۔