یوسف بن عبداللہ بن سلام رضی اللہ عنہ فرماتے ہیں کہ میں نے نبی صلی اللہ علیہ وسلم کو دیکھا، آپ صلی اللہ علیہ وسلم نے جو کی روٹی کا ٹکڑا پکڑا ہوا تھا اور اس کے اوپر کھجور رکھی تھی۔ آپ صلی اللہ علیہ وسلم نے فرمایا: ”یہ اس کا سالن ہے“ اور اسے کھا لیا۔ [السنن الكبرى للبيهقي/كتاب الأيمان/حدیث: 20026]

اللہ جل ثناؤہ کا فرمان ہے: ﴿وَمَا كَانَ لِبَشَرٍ أَنْ يُكَلِّمَهُ اللهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ﴾ ”اور کسی انسان کے لیے ممکن نہیں کہ اللہ اس سے کلام کرے مگر وحی کے ذریعے، یا پردے کے پیچھے سے، یا وہ کوئی فرشتہ بھیجے جو اس کے حکم سے جو وہ چاہے وحی کرے۔“ [سورة الشورى: 51]
اور اللہ تعالیٰ نے منافقین کے بارے میں مومنوں (کی زبانی) فرمایا: ﴿قُلْ لَا تَعْتَذِرُوا لَنْ نُؤْمِنَ لَكُمْ قَدْ نَبَّأَنَا اللهُ مِنْ أَخْبَارِكُمْ﴾ ”کہہ دیجیے: بہانے مت بناؤ، ہم ہرگز تمہاری بات کا یقین نہیں کریں گے، اللہ نے ہمیں تمہارے حالات بتا دیے ہیں۔“ [سورة التوبة: 94]
اور اللہ تعالیٰ نے انہیں ان (منافقین) کے حالات صرف اس وحی کے ذریعے بتائے جسے جبرائیل علیہ السلام نبی کریم صلی اللہ علیہ وسلم پر لے کر نازل ہوتے تھے، اور نبی کریم صلی اللہ علیہ وسلم اپنی طرف آنے والی وحی کے ذریعے انہیں (ان کے حالات کی) خبر دیتے تھے۔
امام شافعی رحمہ اللہ نے فرمایا: ”جو یہ کہتا ہے کہ (خط لکھنے یا قاصد بھیجنے سے) وہ حانث نہیں ہو گا (یعنی قسم نہیں ٹوٹے گی)، وہ کہتا ہے کہ انسانوں کا کلام اللہ کے کلام کے مشابہ نہیں ہے، انسانوں کا کلام آمنے سامنے ہوتا ہے، کیا تم نہیں دیکھتے کہ اگر کوئی آدمی کسی آدمی سے قطع تعلق کر لے، جبکہ تین راتوں سے زیادہ قطع تعلق اس پر حرام ہے، پھر وہ اسے خط لکھ دے یا اس کی طرف کوئی قاصد بھیج دے، حالانکہ وہ اس سے بات کرنے پر قادر ہو، تو یہ عمل اسے اس قطع تعلق سے نہیں نکالے گا جس کی وجہ سے وہ گناہ گار ہوتا ہے؟“ [السنن الكبرى للبيهقي/كتاب الأيمان/حدیث: Q20027]

سیدنا ابو ایوب انصاری رضی اللہ عنہ فرماتے ہیں کہ رسول اللہ صلی اللہ علیہ وسلم نے فرمایا: ”کسی مسلمان کے لیے اپنے مسلمان بھائی سے تین دن سے زائد قطع تعلق جائز نہیں ہے کہ وہ ایک دوسرے سے ملتے ہیں لیکن اپنی جگہ رکے رہتے ہیں، اور ان دونوں میں سے بہتر وہ ہے جو سلام میں ابتدا کرتا ہے۔“ [السنن الكبرى للبيهقي/كتاب الأيمان/حدیث: 20027]

محمد بن ہلال اپنے والد سے نقل فرماتے ہیں کہ میں نے سیدنا ابوہریرہ رضی اللہ عنہ سے سنا، وہ کہتے ہیں کہ نبی صلی اللہ علیہ وسلم نے فرمایا: ”کسی مومن کے لیے جائز نہیں کہ وہ اپنے مومن بھائی کو تین دن سے زائد چھوڑے، لیکن تین دن گزرنے کے بعد وہ ایک دوسرے کو سلام کہے، اگر وہ جواب دیتا ہے تو وہ دونوں اجر میں شریک ہوں گے، اور اگر وہ جواب نہیں دیتا تو یہ (جواب نہ دینے والا) مجرم ہوگا اور دوسرا قطع تعلقی سے بری ہوگا۔“ [السنن الكبرى للبيهقي/كتاب الأيمان/حدیث: 20028]

سوید بن ہبیرہ رضی اللہ عنہ نبی صلی اللہ علیہ وسلم سے نقل فرماتے ہیں کہ آپ صلی اللہ علیہ وسلم نے فرمایا: ”آدمی کا بہترین مال ایسے جانور ہیں جو زیادہ بچے دیں یا زیادہ پھل دینے والی کھجوریں۔“ [السنن الكبرى للبيهقي/كتاب الأيمان/حدیث: 20029]

(اس سے استدلال کیا گیا ہے) اللہ عزوجل کے اس فرمان سے: ﴿وَخُذْ بِيَدِكَ ضِغْثًا فَاضْرِبْ بِهِ وَلَا تَحْنَثْ﴾ ”اور اپنے ہاتھ میں تنکوں کا ایک مٹھا لو اور اس سے مارو اور قسم نہ توڑو۔“ [سورة ص: 44] [السنن الكبرى للبيهقي/كتاب الأيمان/حدیث: Q20030]

ابوامامہ بن سہل بن حنیف رضی اللہ عنہ نے نبی صلی اللہ علیہ وسلم کے انصاری صحابہ رضی اللہ عنہم سے نقل کیا کہ ایک آدمی بیماری کی وجہ سے تڑپ رہا تھا، اس کی جلد اس کی ہڈی پر چڑ چکی تھی، اس کے پاس ایک لونڈی آئی تو وہ اس پر خوش ہو گیا اور اس پر واقع ہو گیا، پھر اس نے اپنا واقعہ نبی صلی اللہ علیہ وسلم کے پاس ذکر کیا تو آپ صلی اللہ علیہ وسلم نے فرمایا: ”اس کے لیے سو شاخیں جمع کر کے ان سے اسے ایک ہی مرتبہ مارو۔“ [السنن الكبرى للبيهقي/كتاب الأيمان/حدیث: 20030]

اسماعیل بن عبدالملک رحمہ اللہ حضرت عطاء رحمہ اللہ سے نقل فرماتے ہیں کہ ان کے پاس ایک آدمی آیا اور میں بھی موجود تھا، اس نے کہا: میں نے اپنے گھر والوں کو وقوفِ عرفہ تک کپڑے نہ پہنانے کی قسم اٹھائی ہے لیکن یہ حج کے دن نہ تھے، تو عطاء رحمہ اللہ فرماتے ہیں: جاؤ (عرفہ میں) وقوف کرو اور اپنے گھر والوں کو کپڑے پہناؤ۔ عطاء رحمہ اللہ سے کہا گیا کہ اس نے حج کی نیت کی تھی، تو عطاء رحمہ اللہ فرماتے ہیں کہ کیا تم سمجھتے ہو کہ ایوب علیہ السلام نے جب اپنے گھر والوں کو مارنے کی قسم اٹھائی تھی تو یہ قسم اٹھائی تھی کہ وہ ایک مٹھے سے ماریں گے؟ قرآن تو مثالیں اور عبرتیں ہی ہے۔ [السنن الكبرى للبيهقي/كتاب الأيمان/حدیث: 20031]

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس کے تین بچے فوت ہو گئے، صرف قسم کو پورا کرنے کے لیے اس کو آگ چھوئے گی۔“
ابو عبید فرماتے ہیں: «تَحِلَّةَ الْقَسَمِ»، یعنی اللہ کا فرمان: ﴿وَإِن مِّنكُمْ إِلَّا وَارِدُهَا كَانَ عَلَىٰ رَبِّكَ حَتْمًا مَّقْضِيًّا﴾ [سورة مريم: 71] ”جہنم سے گزر صرف اس لیے ہے کہ یہ تیرے رب کا حتمی فیصلہ ہے۔“ فرماتے ہیں: صرف قسم کو پورا کرنے کی خاطر جہنم سے گزارا جائے گا۔ اگر انسان قسم اٹھائے کہ فلاں کام کرے گا لیکن پھر کچھ کرتا ہے کچھ نہیں تو قسم مکمل ہے۔
شیخ فرماتے ہیں: وہ کام کر لے جس پر وہ نام صادق آتا ہو۔ [السنن الكبرى للبيهقي/كتاب الأيمان/حدیث: 20032]

سیدنا سوید بن حنظلہ رضی اللہ عنہ بیان کرتے ہیں کہ میں نبی صلی اللہ علیہ وسلم کے پاس آیا اور ہمارے ساتھ سیدنا وائل بن حجر رضی اللہ عنہ بھی تھے۔ ان کا ایسی قوم سے ٹکراؤ ہوا جو ان کی دشمن تھی۔ لوگوں نے قسم اٹھانے سے انکار کر دیا، تو میں نے آگے بڑھ کر قسم کھائی کہ وہ میرا بھائی ہے۔ جب ہم نبی صلی اللہ علیہ وسلم کے پاس آئے تو میں نے عرض کی: اے اللہ کے رسول! لوگوں نے قسم اٹھانے سے انکار کر دیا ہے، لیکن میں نے قسم کھائی کہ وہ میرے بھائی ہیں۔ آپ صلی اللہ علیہ وسلم نے فرمایا: ”تو نے سچ کہا؛ کیونکہ مسلمان، مسلمان کا بھائی ہوتا ہے۔“ [السنن الكبرى للبيهقي/كتاب الأيمان/حدیث: 20033]