(نبی کریم صلی اللہ علیہ وسلم نے فرمایا:)
”میرا حوض عدن سے عمان بلقاء تک پھیلا ہوا ہے، اس کا پانی دودھ سے بھی زیادہ سفید اور شہد سے بھی زیادہ میٹھا ہے، اور اس کے پیالے آسمان کے ستاروں کی تعداد کے برابر ہیں، جو اس سے ایک گھونٹ بھی پی لے وہ اس کے بعد کبھی پیاسا نہیں ہو گا۔ سب سے پہلے اس پر پہنچنے والے فقیر مہاجرین ہوں گے، جن کے بال بکھرے ہوئے اور کپڑے میلے ہوں گے، جو نہ عیش پرست عورتوں سے نکاح کر پاتے ہیں اور نہ ان کے لیے امیروں کے دروازے کھولے جاتے ہیں۔“ [صحيح الجامع الصغير وزيادته/حرف الحاء/حدیث: 3162]

(نبی کریم صلی اللہ علیہ وسلم نے فرمایا:)
”ہم بھی اسی کے گرد گنگناتے ہیں۔“ [صحيح الجامع الصغير وزيادته/حرف الحاء/حدیث: 3163]

(نبی کریم صلی اللہ علیہ وسلم نے فرمایا:)
”تم جہاں کہیں بھی ہو مجھ پر درود بھیجا کرو، کیونکہ تمہارا درود مجھ تک پہنچتا ہے۔“ [صحيح الجامع الصغير وزيادته/حرف الحاء/حدیث: 3164]

(نبی کریم صلی اللہ علیہ وسلم نے فرمایا:)
”تم جہاں کہیں کسی کافر کی قبر کے پاس سے گزرو تو اسے آگ کی خوشخبری سنا دو۔“ [صحيح الجامع الصغير وزيادته/حرف الحاء/حدیث: 3165]