(نبی کریم صلی اللہ علیہ وسلم نے فرمایا:)
”جس چیز کا ضمان نہ لیا گیا ہو اس پر منافع کمانا حرام ہے۔“ [صحيح الجامع الصغير وزيادته/حرف الحاء/حدیث: 3132]

(نبی کریم صلی اللہ علیہ وسلم نے فرمایا:)
”جس چیز کی زیادہ مقدار نشہ آور ہو اس کی تھوڑی مقدار بھی حرام ہے۔“ [صحيح الجامع الصغير وزيادته/حرف الحاء/حدیث: 3133]

(نبی کریم صلی اللہ علیہ وسلم نے فرمایا:)
”اللہ تعالیٰ نے شراب کو حرام کیا ہے، اور ہر نشہ آور چیز حرام ہے۔“ [صحيح الجامع الصغير وزيادته/حرف الحاء/حدیث: 3134]

(نبی کریم صلی اللہ علیہ وسلم نے فرمایا:)
”ہر نرم مزاج، نرم دل، آسان طبیعت اور لوگوں کے قریب رہنے والا شخص آگ پر حرام ہے۔“ [صحيح الجامع الصغير وزيادته/حرف الحاء/حدیث: 3135]

(نبی کریم صلی اللہ علیہ وسلم نے فرمایا:)
”دو آنکھوں کو آگ کا چھونا حرام کر دیا گیا ہے: وہ آنکھ جو اللہ کے خوف سے روئی، اور وہ آنکھ جو رات بھر اسلام اور اہلِ اسلام کی کفار سے حفاظت کرتی رہی۔“ [صحيح الجامع الصغير وزيادته/حرف الحاء/حدیث: 3136]

(نبی کریم صلی اللہ علیہ وسلم نے فرمایا:)
”ریشم اور سونا پہننا میری امت کے مردوں پر حرام اور ان کی عورتوں کے لیے حلال کر دیا گیا ہے۔“ [صحيح الجامع الصغير وزيادته/حرف الحاء/حدیث: 3137]

(نبی کریم صلی اللہ علیہ وسلم نے فرمایا:)
”مدینہ کے دونوں پتھریلے کناروں کے درمیانی علاقے کو میری زبان سے حرمت والا قرار دیا گیا ہے۔“ [صحيح الجامع الصغير وزيادته/حرف الحاء/حدیث: 3138]

(نبی کریم صلی اللہ علیہ وسلم نے فرمایا:)
”شراب کی تجارت حرام کر دی گئی ہے۔“ [صحيح الجامع الصغير وزيادته/حرف الحاء/حدیث: 3139]

(نبی کریم صلی اللہ علیہ وسلم نے فرمایا:)
”مسلمان کے مال کی حرمت اس کے خون کی حرمت کی طرح ہے۔“ [صحيح الجامع الصغير وزيادته/حرف الحاء/حدیث: 3140]

(نبی کریم صلی اللہ علیہ وسلم نے فرمایا:)
”مجاہدین کی بیویوں کی حرمت گھر بیٹھنے والوں پر اسی طرح ہے جیسے ان کی ماؤں کی حرمت، اور جو آدمی بھی گھر بیٹھ کر کسی مجاہد کے پیچھے اس کے گھر والوں کی نگرانی کرے، پھر ان کے بارے میں اس کی خیانت کرے، تو قیامت کے دن اسے مجاہد کے سامنے کھڑا کیا جائے گا اور اس سے کہا جائے گا: اس نے تمہاری غیر موجودگی میں تمہارے گھر والوں کی نگرانی کی تھی، پس اس کی نیکیوں میں سے جتنی چاہو لے لو، تو وہ اس کے عمل میں سے جتنا چاہے گا لے لے گا۔ پس تمہارا کیا خیال ہے؟“ [صحيح الجامع الصغير وزيادته/حرف الحاء/حدیث: 3141]