(نبی کریم صلی اللہ علیہ وسلم نے فرمایا:)
”ایک دن کی سرحدی پہرہ داری ایک ماہ کے روزوں اور اس کے قیام سے بہتر ہے۔“ [صحيح الجامع الصغير وزيادته/حرف الراء/حدیث: 3480]

(نبی کریم صلی اللہ علیہ وسلم نے فرمایا:)
”اللہ کی راہ میں ایک دن کی سرحدی پہرہ داری ایک ماہ کے روزوں اور اس کے قیام سے افضل ہے، اور جو اس میں مر جائے وہ قبر کے فتنے سے محفوظ کر دیا جاتا ہے اور قیامت تک اس کا عمل بڑھتا رہتا ہے۔“ [صحيح الجامع الصغير وزيادته/حرف الراء/حدیث: 3481]

(نبی کریم صلی اللہ علیہ وسلم نے فرمایا:)
”اللہ کی راہ میں ایک دن کی سرحدی پہرہ داری دنیا اور اس میں موجود ہر چیز سے بہتر ہے، اور تم میں سے کسی کے کوڑے کے برابر جگہ بھی جنت میں دنیا اور اس میں موجود ہر چیز سے بہتر ہے، اور بندے کا اللہ کی راہ میں شام یا صبح کو ایک بار نکلنا دنیا اور اس میں موجود ہر چیز سے بہتر ہے۔“ [صحيح الجامع الصغير وزيادته/حرف الراء/حدیث: 3482]

(نبی کریم صلی اللہ علیہ وسلم نے فرمایا:)
”ایک دن اور رات کی سرحدی پہرہ داری ایک ماہ کے روزوں اور اس کے قیام سے بہتر ہے، اور اگر وہ پہرہ دیتے ہوئے مر جائے تو جو عمل وہ کرتا تھا وہ اس کے لیے جاری رہتا ہے، اس کا رزق بھی جاری رہتا ہے اور وہ فتنہ ڈالنے والے سے محفوظ رہتا ہے۔“ [صحيح الجامع الصغير وزيادته/حرف الراء/حدیث: 3483]

(نبی کریم صلی اللہ علیہ وسلم نے فرمایا:)
”بسا اوقات ایک پراگندہ حال شخص، جسے دروازوں سے دھکیل دیا جاتا ہے، اگر وہ اللہ کے بارے میں قسم کھا لے تو اللہ اسے پورا فرما دے۔“ [صحيح الجامع الصغير وزيادته/حرف الراء/حدیث: 3484]

(نبی کریم صلی اللہ علیہ وسلم نے فرمایا:)
”اے میرے رب! میری مدد فرما اور مجھ پر (کسی کی) مدد نہ فرما، میری نصرت فرما اور مجھ پر (کسی کی) نصرت نہ فرما، میرے لیے تدبیر فرما اور مجھ پر (کسی کی) تدبیر نہ ہونے دے، مجھے ہدایت دے اور میرے لیے ہدایت آسان فرما، اور جو مجھ پر زیادتی کرے اس کے خلاف میری مدد فرما۔ اے اللہ! مجھے اپنا شکر گزار، اپنا ذکر کرنے والا، اپنا خوف رکھنے والا، اپنا فرماں بردار، اپنے سامنے عاجزی کرنے والا، آہیں بھرنے والا اور اپنی طرف رجوع کرنے والا بنا دے۔ اے میرے رب! میری توبہ قبول فرما، میرا گناہ دھو دے، میری دعا قبول فرما، میری دلیل مضبوط فرما، میرے دل کو ہدایت دے، میری زبان کو درست فرما اور میرے دل کا کینہ نکال دے۔“ [صحيح الجامع الصغير وزيادته/حرف الراء/حدیث: 3485]

(نبی کریم صلی اللہ علیہ وسلم نے فرمایا:)
”اے میرے رب! مجھے بخش دے اور میری توبہ قبول فرما، بے شک تو ہی بہت توبہ قبول کرنے والا، بہت بخشنے والا ہے۔“ [صحيح الجامع الصغير وزيادته/حرف الراء/حدیث: 3486]

(نبی کریم صلی اللہ علیہ وسلم نے فرمایا:)
”بسا اوقات ایسا شخص جو دو پرانے کپڑوں والا ہو اور جس کی کوئی پروا نہ کی جاتی ہو، اگر وہ اللہ کے بارے میں قسم کھا لے تو اللہ اسے پورا فرما دے۔“ [صحيح الجامع الصغير وزيادته/حرف الراء/حدیث: 3487]

(نبی کریم صلی اللہ علیہ وسلم نے فرمایا:)
”بسا اوقات روزہ دار کو اپنے روزے سے بھوک کے سوا کچھ حاصل نہیں ہوتا، اور بسا اوقات رات کو قیام کرنے والے کو اپنے قیام سے جاگنے کے سوا کچھ حاصل نہیں ہوتا۔“ [صحيح الجامع الصغير وزيادته/حرف الراء/حدیث: 3488]

(نبی کریم صلی اللہ علیہ وسلم نے فرمایا:)
”ابن دحداحہ کے لیے جنت میں کھجور کا کتنا ہی جھکا ہوا خوشہ (تیار) ہے۔“ [صحيح الجامع الصغير وزيادته/حرف الراء/حدیث: 3489]