(نبی کریم صلی اللہ علیہ وسلم نے فرمایا:)
”اللہ موسیٰ علیہ السلام پر رحم فرمائے، انہیں اس سے بھی زیادہ تکلیف پہنچائی گئی تو انہوں نے صبر کیا۔“ [صحيح الجامع الصغير وزيادته/حرف الراء/حدیث: 3500]

(نبی کریم صلی اللہ علیہ وسلم نے فرمایا:)
”اللہ کی رحمت ہم پر اور موسیٰ علیہ السلام پر ہو، اگر وہ صبر کر لیتے تو اپنے ساتھی (خضر علیہ السلام) سے عجیب باتیں دیکھتے۔“ [صحيح الجامع الصغير وزيادته/حرف الراء/حدیث: 3501]

(نبی کریم صلی اللہ علیہ وسلم نے فرمایا:)
”سائل کو (خالی ہاتھ) واپس نہ کرو، چاہے جلا ہوا کھر ہی کیوں نہ ہو۔“ [صحيح الجامع الصغير وزيادته/حرف الراء/حدیث: 3502]

(نبی کریم صلی اللہ علیہ وسلم نے فرمایا:)
”شہداء کو ان کی (اصل) خوابگاہوں (قبروں) میں واپس لوٹا دو۔“ [صحيح الجامع الصغير وزيادته/حرف الراء/حدیث: 3503]

(نبی کریم صلی اللہ علیہ وسلم نے فرمایا:)
”آدمی کا (اپنی آمد کی اطلاع دینے کے لیے) کسی کے پاس قاصد بھیجنا ہی اس کی اجازت طلب کرنا ہے۔“ [صحيح الجامع الصغير وزيادته/حرف الراء/حدیث: 3504]

(نبی کریم صلی اللہ علیہ وسلم نے فرمایا:)
”اپنی صفیں ملاؤ، انہیں ایک دوسرے کے قریب کرو اور گردنیں برابر رکھو، اس ذات کی قسم جس کے ہاتھ میں میری جان ہے! میں شیطانوں کو صفوں کے خلا میں اس طرح داخل ہوتے دیکھتا ہوں جیسے چھوٹے میمنے۔“ [صحيح الجامع الصغير وزيادته/حرف الراء/حدیث: 3505]

(نبی کریم صلی اللہ علیہ وسلم نے فرمایا:)
”رب کی رضا باپ کی رضا میں ہے، اور رب کی ناراضی باپ کی ناراضی میں ہے۔“ [صحيح الجامع الصغير وزيادته/حرف الراء/حدیث: 3506]

(نبی کریم صلی اللہ علیہ وسلم نے فرمایا:)
”رب کی رضا والدین کی رضا میں ہے، اور اس کی ناراضی ان دونوں کی ناراضی میں ہے۔“ [صحيح الجامع الصغير وزيادته/حرف الراء/حدیث: 3507]

(نبی کریم صلی اللہ علیہ وسلم نے فرمایا:)
”اس (کنواری لڑکی) کی رضامندی اس کی خاموشی ہے۔“ [صحيح الجامع الصغير وزيادته/حرف الراء/حدیث: 3508]

(نبی کریم صلی اللہ علیہ وسلم نے فرمایا:)
”میں اپنی امت کے لیے اسی چیز پر راضی ہوں جس پر ابن ام عبد (عبد اللہ بن مسعود) اس کے لیے راضی ہیں۔“ [صحيح الجامع الصغير وزيادته/حرف الراء/حدیث: 3509]