(نبی کریم صلی اللہ علیہ وسلم نے فرمایا:)
”جس سے مشورہ لیا جائے وہ امانت دار ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6700]

(نبی کریم صلی اللہ علیہ وسلم نے فرمایا:)
”وہ مسجد جس کی بنیاد تقویٰ پر رکھی گئی وہ میری یہ مسجد ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6701]

(نبی کریم صلی اللہ علیہ وسلم نے فرمایا:)
”مسجد ہر مومن کا گھر ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6702]

(نبی کریم صلی اللہ علیہ وسلم نے فرمایا:)
”کستوری سب سے بہترین خوشبو ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6703]

(نبی کریم صلی اللہ علیہ وسلم نے فرمایا:)
”مسلمان مسلمان کا بھائی ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6704]

(نبی کریم صلی اللہ علیہ وسلم نے فرمایا:)
”مسلمان مسلمان کا بھائی ہے، اور کسی مسلمان کے لیے جائز نہیں کہ وہ اپنے بھائی کو کوئی ایسی چیز بیچے جس میں عیب ہو مگر یہ کہ وہ اسے بتا دے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6705]

(نبی کریم صلی اللہ علیہ وسلم نے فرمایا:)
”مسلمان مسلمان کا بھائی ہے، نہ وہ اس سے خیانت کرتا ہے، نہ جھوٹ بولتا ہے اور نہ اسے بےیارومددگار چھوڑتا ہے۔ ہر مسلمان دوسرے مسلمان پر حرام ہے: اس کی عزت، اس کا مال اور اس کا خون، تقویٰ یہاں ہے - اور آپ صلی اللہ علیہ وسلم نے اپنے سینے کی طرف اشارہ فرمایا - کسی آدمی کے لیے اتنی برائی کافی ہے کہ وہ اپنے مسلمان بھائی کو حقیر سمجھے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6706]

(نبی کریم صلی اللہ علیہ وسلم نے فرمایا:)
”مسلمان مسلمان کا بھائی ہے، نہ اس پر ظلم کرتا ہے اور نہ اسے بےیارومددگار چھوڑتا ہے، اور جو اپنے بھائی کی ضرورت پوری کرنے میں لگا رہے اللہ تعالیٰ اس کی ضرورت پوری کرنے میں لگا رہے گا، اور جس نے کسی مسلمان کی کوئی مصیبت دور کی اللہ تعالیٰ اس کی وجہ سے قیامت کے دن اس کی مصیبتوں میں سے ایک مصیبت دور فرمائے گا، اور جس نے کسی مسلمان کی پردہ پوشی کی اللہ تعالیٰ قیامت کے دن اس کی پردہ پوشی فرمائے گا۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6707]

(نبی کریم صلی اللہ علیہ وسلم نے فرمایا:)
”مسلمان سے جب قبر میں سوال کیا جاتا ہے تو وہ گواہی دیتا ہے کہ «لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ» (اللہ کے سوا کوئی سچا معبود نہیں اور یہ کہ محمد صلی اللہ علیہ وسلم اللہ کے رسول ہیں)، اور یہی اللہ تعالیٰ کے اس فرمان کا مطلب ہے: اللہ تعالیٰ ایمان والوں کو دنیا کی زندگی میں اور آخرت میں مضبوط بات کے ساتھ ثابت قدم رکھتا ہے۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6708]

(نبی کریم صلی اللہ علیہ وسلم نے فرمایا:)
”مسلمان وہ ہے جس کی زبان اور ہاتھ سے دوسرے مسلمان محفوظ رہیں۔“ [صحيح الجامع الصغير وزيادته/فصل في المحلى بـ[ال] من هذا الحرف./حدیث: 6709]