(نبی کریم صلی اللہ علیہ وسلم نے فرمایا:)
”اے آلِ محمد! تم میں سے جو حج کرے وہ اپنے حج میں عمرہ کا بھی احرام باندھے۔“ [صحيح الجامع الصغير وزيادته/حرف الياء/حدیث: 7811]

(نبی کریم صلی اللہ علیہ وسلم نے فرمایا:)
”اے ابوبکر! ہر قوم کی ایک عید ہوتی ہے اور یہ ہماری عید ہے۔“ [صحيح الجامع الصغير وزيادته/حرف الياء/حدیث: 7812]

(نبی کریم صلی اللہ علیہ وسلم نے فرمایا:)
”اے ابوبکر! کہو: اے اللہ! آسمانوں اور زمین کے پیدا کرنے والے، غیب اور حاضر کے جاننے والے، ہر چیز کے رب اور مالک، تیرے سوا کوئی سچا معبود نہیں، میں تیری پناہ چاہتا ہوں اپنے نفس کے شر سے اور شیطان کے شر اور اس کے شرک سے، اور اس بات سے کہ میں اپنی جان پر کوئی برائی کروں یا اسے کسی مسلمان تک پہنچاؤں۔“ [صحيح الجامع الصغير وزيادته/حرف الياء/حدیث: 7813]

(نبی کریم صلی اللہ علیہ وسلم نے فرمایا:)
”اے ابوبکر! تمہارا ان دو کے بارے میں کیا خیال ہے جن کا تیسرا اللہ ہو؟“ [صحيح الجامع الصغير وزيادته/حرف الياء/حدیث: 7814]

(نبی کریم صلی اللہ علیہ وسلم نے فرمایا:)
”اے ابوثعلبہ! جو (شکار) تمہارا تیر کمان، تمہارا سدھایا ہوا کتا اور تمہارا ہاتھ تمہاری طرف واپس لائے وہ کھا لو، خواہ وہ ذبح شدہ ہو یا نہ ہو۔“ [صحيح الجامع الصغير وزيادته/حرف الياء/حدیث: 7815]

(نبی کریم صلی اللہ علیہ وسلم نے فرمایا:)
”اے ابوذر! کیا تم یہ سمجھتے ہو کہ مال کی کثرت ہی غنا (بے نیازی) ہے؟ اصل غنا تو دل کی بے نیازی ہے اور اصل فقر دل کی محتاجی ہے۔ جس کے دل میں بے نیازی ہو اسے دنیا کی کوئی چیز نقصان نہیں پہنچاتی، اور جس کے دل میں محتاجی ہو اسے دنیا کی کثرت بھی بے نیاز نہیں کرتی، اور اسے صرف اس کے نفس کی حرص نقصان پہنچاتی ہے۔“ [صحيح الجامع الصغير وزيادته/حرف الياء/حدیث: 7816]

(نبی کریم صلی اللہ علیہ وسلم نے فرمایا:)
”اے ابوذر! جب تم مہینے میں تین دن کے روزے رکھو تو تیرہ، چودہ اور پندرہ تاریخ کے روزے رکھو۔“ [صحيح الجامع الصغير وزيادته/حرف الياء/حدیث: 7817]

(نبی کریم صلی اللہ علیہ وسلم نے فرمایا:)
”اے ابوذر! جب تم سالن پکاؤ تو اس کا شوربا زیادہ رکھو اور اپنے پڑوسیوں کا خیال رکھو۔“ [صحيح الجامع الصغير وزيادته/حرف الياء/حدیث: 7818]

(نبی کریم صلی اللہ علیہ وسلم نے فرمایا:)
”اے ابوذر! تمہارا کیا خیال ہے اگر لوگوں کو شدید بھوک لاحق ہو جائے، یہاں تک کہ تم اپنے بستر سے اٹھ کر اپنی مسجد تک بھی نہ جا سکو تو تم کیا کرو گے؟ (فرمایا) سوال کرنے سے بچو۔ اے ابوذر! تمہارا کیا خیال ہے اگر لوگوں میں شدید موت واقع ہو جائے یہاں تک کہ ایک گھر (قبر) ایک غلام (کی قیمت) میں ملے تو تم کیا کرو گے؟ (فرمایا) صبر کرو۔ اے ابوذر! تمہارا کیا خیال ہے اگر لوگ آپس میں ایک دوسرے کو قتل کرنے لگیں یہاں تک کہ حرہ کے پتھر خون سے ڈوب جائیں تو تم کیا کرو گے؟ (فرمایا) اپنے گھر میں بیٹھ جاؤ اور اپنا دروازہ بند کر لو۔ ابوذر نے عرض کیا: اگر مجھے چھوڑا نہ جائے؟ آپ صلی اللہ علیہ وسلم نے فرمایا: تو جس کے ساتھ ہو اس کے پاس چلے جاؤ اور انہی میں شامل ہو جاؤ۔ عرض کیا: تو کیا میں اپنا ہتھیار اٹھا لوں؟ آپ صلی اللہ علیہ وسلم نے فرمایا: پھر تو تم بھی اس (فتنے) میں ان کے شریک بن جاؤ گے، لیکن اگر تمہیں خدشہ ہو کہ تلوار کی چمک تمہیں (لڑنے پر مجبور کر دے گی) تو اپنی چادر کا کنارہ اپنے چہرے پر ڈال لو تاکہ وہ (قاتل) اپنے گناہ اور تمہارے قتل کے گناہ کے ساتھ لوٹے اور جہنمیوں میں سے ہو جائے۔“ [صحيح الجامع الصغير وزيادته/حرف الياء/حدیث: 7819]

(نبی کریم صلی اللہ علیہ وسلم نے فرمایا:)
”اے ابوذر! کیا میں تمہیں جنت کے خزانوں میں سے ایک خزانہ نہ بتاؤں؟ وہ ہے: «لَا حَوْلَ وَلَا قُوَّةَ إِلَّا بِاللَّهِ» (گناہ سے بچنے کی طاقت اور نیکی کی توفیق صرف اللہ ہی کی طرف سے ہے)۔“ [صحيح الجامع الصغير وزيادته/حرف الياء/حدیث: 7820]