اللہ تعالیٰ کے اس فرمان کا بیان کہ ”اے نبی! آپ کیوں اس چیز کو اپنے اوپر حرام کرتے ہیں جسے اللہ نے آپ کے لیے حلال کیا ہے؟ کیا آپ اپنی بیویوں کی رضا مندی چاہتے ہیں؟ اور اللہ بہت بخشنے والا، نہایت رحم فرمانے والا ہے۔ یقیناً اللہ نے تم لوگوں کے لیے تمہاری قسموں کی پابندی کھولنے یعنی کفارہ کا طریقہ مقرر فرما دیا ہے، اور اللہ ہی تمہارا مولیٰ و کارساز ہے، اور وہی سب کچھ جاننے والا، بڑی حکمت والا ہے۔ اور یاد کریں جب نبی نے اپنی ایک بیوی سے پوشیدہ طور پر ایک بات کہی، پھر جب اس بیوی نے وہ بات دوسروں کو بتا دی اور اللہ نے اپنے نبی پر اسے ظاہر کر دیا، تو نبی نے اس بات کا کچھ حصہ جتا دیا اور کچھ حصے سے پہلو تہی فرمائی، پھر جب نبی نے اس بیوی کو اس کی اطلاع دی تو وہ کہنے لگی کہ آپ کو اس بات کی خبر کس نے دی؟ نبی نے فرمایا ”مجھے اس ذات نے خبر دی ہے جو سب کچھ جاننے والا اور ہر بات سے باخبر ہے““۔