اللہ تبارک و تعالیٰ کے ارشاد کا بیان: ”قسم ہے ان فرشتوں کی جو (کفار کی روحیں) شدت سے کھینچتے ہیں، اور ان کی جو (مومنوں کی روحیں) نرمی سے نکال لیتے ہیں، اور ان کی جو (حکمِ الٰہی بجا لانے کے لیے) تیزی سے تیرتے ہوئے جاتے ہیں، پھر ان کی جو (احکام کی تعمیل میں) ایک دوسرے سے آگے بڑھتے ہیں، پھر ان فرشتوں کی جو (امرِ الٰہی کے مطابق کائنات کے) معاملات کی تدبیر کرتے ہیں؛ جس دن لرزا دینے والی (صور کی پہلی آواز) زمین کو ہلا ڈالے گی، جس کے پیچھے پیچھے دوسری آنے والی (آواز) آئے گی، اس دن کتنے ہی دل (خوف سے) دھڑک رہے ہوں گے، جن کی آنکھیں (ذلت سے) جھکی ہوں گی، وہ (منکرینِ بعث) کہتے ہیں: کیا واقعی ہمیں ہماری پہلی حالتِ زندگی کی طرف لوٹا دیا جائے گا؟ کیا اس وقت بھی جب ہم بوسیدہ ہڈیاں بن چکے ہوں گے؟ انہوں نے کہا کہ (اگر ایسا ہوا تو) پھر یہ واپسی سراسر خسارے کا سودا ہوگی، حالانکہ وہ تو محض ایک زوردار کڑک ہوگی، اور وہ سب اچانک ایک چٹیل میدان میں موجود ہوں گے۔“