سیدنا علی رضی اللہ عنہ سے روایت ہے کہ انہوں نے فرمایا: ”نبی صلی اللہ علیہ وسلم نے مجھ سے فرمایا: ”اے علی! یقیناً عنقریب ایک فتنہ برپا ہوگا اور تم اپنی قوم سے حجت کرو گے۔“ میں نے عرض کیا: ”اے اللہ کے رسول! پھر آپ مجھے کیا حکم دیتے ہیں؟“ تو آپ صلی اللہ علیہ وسلم نے فرمایا: «‏‏‏‏احْكُمْ بِالْكِتَابِ» ‏‏‏‏ ”کتاب اللہ کے مطابق فیصلہ کرو“ یا آپ صلی اللہ علیہ وسلم نے فرمایا: «‏‏‏‏اتَّبِعِ الْكِتَابَ» ‏‏‏‏ ”کتاب اللہ کی پیروی کرو۔““
امام طبرانی رحمہ اللہ فرماتے ہیں: ”اس حدیث کو سفیان رحمہ اللہ سے صرف عطا رحمہ اللہ نے روایت کیا ہے اور اس کی روایت میں عبید رحمہ اللہ منفرد ہیں۔“ [المعجم الأوسط/باب الألف/حدیث: 1132]