ام المومنین سیدہ ام سلمہ رضی اللہ عنہا سے روایت ہے کہ رسول اللہ صلی اللہ علیہ وسلم نے فرمایا: ”صدقہ کرنے سے کسی کے مال میں کمی نہیں آتی، اور جو آدمی کسی زیادتی کو معاف کر دیتا ہے اللہ تعالیٰ اس کے سبب اس کی عزت میں اضافہ ہی فرماتا ہے، لہٰذا تم معاف کر دیا کرو، اللہ تمہیں عزت عطا فرمائے گا۔ اور جو آدمی اپنے لیے سوال کا دروازہ کھولتا ہے اللہ تعالیٰ اس پر محتاجی کا دروازہ کھول دیتا ہے۔“
امام طبرانی رحمہ اللہ فرماتے ہیں: ”اس حدیث کو سفیان سے صرف قاسم بن یزید جرمی اور زکریا بن دوید اشعثی نے روایت کیا ہے۔“ [المعجم الأوسط/باب الألف/حدیث: 2270]