سیدنا سعد بن زید اشہلی رضی اللہ عنہ بیان کرتے ہیں کہ نبی کریم صلی اللہ علیہ وسلم کو نجران سے ایک تلوار تحفے میں پیش کی گئی، جب وہ آپ صلی اللہ علیہ وسلم کے پاس پہنچی تو آپ صلی اللہ علیہ وسلم نے وہ سیدنا محمد بن مسلمہ رضی اللہ عنہ کو عطا فرمائی اور فرمایا: ”اس کے ساتھ اللہ کی راہ میں جہاد کرو، پھر جب لوگوں کی گردنیں آپس میں ایک دوسرے کے مقابل آ جائیں (یعنی فتنہ و خانہ جنگی برپا ہو جائے) تو اسے پتھر پر مار دینا، پھر اپنے گھر میں بیٹھ رہنا اور بچھی ہوئی چٹائی کی طرح پڑے رہنا، یہاں تک کہ کوئی خطا کار ہاتھ تمہیں قتل کر دے یا موت کا فیصلہ کن پیغام تمہارے پاس آ جائے۔“
امام طبرانی رحمہ اللہ فرماتے ہیں: ”یہ حدیث سیدنا سعد بن زید رضی اللہ عنہ سے صرف اسی سند سے مروی ہے، اس میں حجبی منفرد ہیں۔“ [المعجم الأوسط/باب الألف/حدیث: 2375]