سیدنا عبداللہ بن عباس رضی اللہ عنہما نے نبی کریم صلی اللہ علیہ وسلم سے (مرفوعاً) روایت کیا کہ آپ صلی اللہ علیہ وسلم نے فرمایا: ”اگر تم گناہ نہ کرو تو اللہ تعالیٰ ایسی قوم کو لے آئے گا جو گناہ کریں گے، پھر اللہ سے مغفرت مانگیں گے اور وہ انہیں بخش دے گا۔“
امام طبرانی رحمہ اللہ فرماتے ہیں: ”یہ حدیث سیدنا ابن عباس رضی اللہ عنہما سے صرف اسی سند سے مروی ہے، اس میں یحییٰ بن عمرو منفرد ہیں۔“ [المعجم الأوسط/باب الألف/حدیث: 2376]