ام المومنین سیدہ ام سلمہ رضی اللہ عنہا سے روایت ہے، شہر بن حوشب رحمہ اللہ کہتے ہیں کہ میں مدینہ میں ان کے پاس حاضر ہوا، میرے اور ان کے درمیان پردہ تھا، تو میں نے انہیں فرماتے سنا: ”نبی کریم صلی اللہ علیہ وسلم کی اکثر دعا یہ ہوتی تھی: «يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ» ”اے دلوں کو پھیرنے والے! میرے دل کو اپنے دین پر ثابت رکھ۔“ پھر آپ صلی اللہ علیہ وسلم نے فرمایا: ”ہر آدمی کا دل رحمن کی انگلیوں میں سے دو انگلیوں کے درمیان ہے، جب وہ چاہتا ہے اسے ٹیڑھا کر دیتا ہے اور جب چاہتا ہے اسے ہدایت دے دیتا ہے۔“ [المعجم الأوسط/باب الألف/حدیث: 2381]