ام المومنین سیدہ میمونہ رضی اللہ عنہا بیان کرتی ہیں: ”رسول اللہ صلی اللہ علیہ وسلم جب بھی میرے گھر سے نکلتے تو اپنی نگاہ آسمان کی طرف اٹھاتے اور یہ دعا فرماتے: «اللَّهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ، أَوْ أَزِلَّ أَوْ أُزَلَّ، أَوْ أَجْهَلَ أَوْ يُجْهَلَ عَلَيَّ، أَوْ أَظْلِمَ أَوْ أُظْلَمَ» ”اے اللہ! میں تیری پناہ چاہتا ہوں اس سے کہ میں خود گمراہ ہوں یا مجھے گمراہ کیا جائے، میں پھسل جاؤں یا مجھے پھسلایا جائے، میں جہالت کروں یا مجھ سے جہالت برتی جائے، میں ظلم کروں یا مجھ پر ظلم کیا جائے۔“
امام طبرانی رحمہ اللہ فرماتے ہیں: ”اس حدیث کو شعبی سے، انہوں نے عبداللہ بن شداد سے، انہوں نے سیدہ میمونہ رضی اللہ عنہا سے ابو بکر ہذلی کے سوا کسی نے روایت نہیں کیا، اس میں مسلم بن ابراہیم منفرد ہیں۔“ [المعجم الأوسط/باب الألف/حدیث: 2383]