سیدنا جابر رضی اللہ عنہما سے روایت ہے کہ نبی کریم صلی اللہ علیہ وسلم نے ایک عورت کو دیکھا، تو آپ صلی اللہ علیہ وسلم سیدہ زینب بنت جحش رضی اللہ عنہا کے پاس تشریف لے گئے اور ان سے اپنی حاجت پوری فرمائی، پھر باہر تشریف لائے اور فرمایا: ”عورت شیطان کی صورت میں سامنے آتی ہے اور شیطان کی صورت میں پیٹھ پھیرتی ہے، لہٰذا جو شخص ایسی کیفیت محسوس کرے وہ اپنی بیوی کے پاس جائے، کیونکہ یہ اس کے دل میں پیدا ہونے والے خیال کو دور کر دیتا ہے۔“
امام طبرانی رحمہ اللہ فرماتے ہیں: ”اس حدیث کو ابو الزبیر سے ہشام کے سوا کسی نے روایت نہیں کیا، اس میں مسلم منفرد ہیں۔“ [المعجم الأوسط/باب الألف/حدیث: 2385]