سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب قیامت کا دن ہوگا تو کہا جائے گا: ’اے اہلِ محشر! اپنی نگاہیں جھکا لو، فاطمہ بنت محمد صلی اللہ علیہ وسلم گزرنے والی ہیں۔‘“ آپ صلی اللہ علیہ وسلم نے فرمایا: ”چنانچہ سیدہ فاطمہ رضی اللہ عنہا گزریں گی اور ان پر دو سبز چادریں ہوں گی۔“
امام طبرانی رحمہ اللہ فرماتے ہیں: ”اس حدیث کو بیان (ابو بشر) سے خالد کے سوا کسی نے روایت نہیں کیا، اس میں عبدالحمید اور عباس بن بکار ضبی منفرد ہیں، اور سیدنا علی رضی اللہ عنہ سے یہ حدیث اسی سند کے سوا مروی نہیں۔“ [المعجم الأوسط/باب الألف/حدیث: 2386]