سیدنا عبداللہ بن عمرو رضی اللہ عنہما سے روایت ہے کہ نبی کریم صلی اللہ علیہ وسلم نے فرمایا: ”تین قسم کے لوگ ہیں جن کی طرف اللہ تعالیٰ قیامت کے دن نظرِ رحمت نہیں فرمائے گا، نہ انہیں پاک کرے گا اور ان کے لیے دردناک عذاب ہے: ایک وہ شخص جو ایسی قوم کے پاس آئے جو متفق و متحد اسلام پر قائم ہو، پھر ان کی جمعیت کو پارہ پارہ کر دے، یہاں تک کہ وہ حرام کاموں کو حلال سمجھنے لگیں اور خونریزی کرنے لگیں، اور دوسرا ظالم حکمران۔“ اور آپ صلی اللہ علیہ وسلم نے فرمایا: ”جس نے میری اطاعت کی اس نے اللہ کی اطاعت کی اور جس نے میری نافرمانی کی اس نے اللہ کی نافرمانی کی۔“ راوی کہتے ہیں کہ سفیان رحمہ اللہ تیسرے شخص کے بارے میں خاموش رہے اور اسے بیان نہیں کیا۔ [المعجم الأوسط/باب الألف/حدیث: 2401]