سیدنا ابی بن کعب رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”جسے یہ بات خوش کرے کہ اس کے لیے (جنت میں) بالاخانے بلند کیے جائیں اور اس کے درجات بڑھائے جائیں تو وہ اس شخص کو معاف کر دے جس نے اس پر ظلم کیا، اس شخص کو عطا کرے جس نے اسے محروم رکھا، اور اس شخص سے ناتا جوڑے جس نے اس سے ناتا توڑا۔“
امام طبرانی رحمہ اللہ فرماتے ہیں: ”اس حدیث کو موسیٰ سے ابو امیہ کے سوا کسی نے روایت نہیں کیا، اس میں حجاج منفرد ہیں، اور سیدنا ابی بن کعب رضی اللہ عنہ سے یہ روایت صرف اسی سند سے مروی ہے۔“ [المعجم الأوسط/باب الألف/حدیث: 2579]