ام المومنین سیدہ عائشہ رضی اللہ عنہا بیان کرتی ہیں: رسول اللہ صلی اللہ علیہ وسلم کسی بات پر سیدہ صفیہ رضی اللہ عنہا سے ناراض ہو گئے۔ تو سیدہ صفیہ رضی اللہ عنہا نے مجھ سے کہا: ”کیا تم رسول اللہ صلی اللہ علیہ وسلم کو راضی کر دو گی، (اس کے بدلے) میری باری تمہارے لیے ہوگی؟“ چنانچہ میں نے اپنی ایک اوڑھنی پہنی جو زعفران سے رنگی ہوئی تھی، اس پر پانی چھڑکا، پھر آ کر رسول اللہ صلی اللہ علیہ وسلم کے پہلو میں بیٹھ گئی۔ آپ صلی اللہ علیہ وسلم نے مجھ سے فرمایا: ”مجھ سے دور ہٹ جاؤ، یہ تمہاری باری کا دن نہیں ہے۔“ میں نے کہا: ”یہ اللہ کا فضل ہے، وہ جسے چاہتا ہے عطا فرماتا ہے۔“ اور میں نے آپ صلی اللہ علیہ وسلم کو سارا ماجرا بتا دیا، تو آپ صلی اللہ علیہ وسلم سیدہ صفیہ رضی اللہ عنہا سے راضی ہو گئے۔ [المعجم الأوسط/باب الألف/حدیث: 2608]