سیدنا ابو مسعود رضی اللہ عنہ سے روایت ہے کہ نبی صلی اللہ علیہ وسلم نے فرمایا: ”مجھ پر ایسی آیات نازل کی گئی ہیں جن کی مثل مجھ پر پہلے کبھی نازل نہیں کی گئیں، اور وہ «المعوذتین» (سورہ فلق اور سورہ ناس) ہیں۔“
اسماعیل رحمہ اللہ سے، انہوں نے قیس رحمہ اللہ سے اور انہوں نے سیدنا ابو مسعود رضی اللہ عنہ سے یہ حدیث صرف عبد العزیز رحمہ اللہ نے روایت کی ہے، اور ابن عائشہ رحمہ اللہ اسے نقل کرنے میں منفرد ہیں۔
جبکہ سفیان رحمہ اللہ اور دیگر لوگوں نے اسے اسماعیل رحمہ اللہ سے، انہوں نے قیس رحمہ اللہ سے اور انہوں نے سیدنا عقبہ بن عامر جہنی رضی اللہ عنہ سے روایت کیا ہے۔ [المعجم الأوسط/باب الألف/حدیث: 2658]