سیدنا انس رضی اللہ عنہ سے روایت ہے کہ نبی صلی اللہ علیہ وسلم کے صحابہ نے عرض کیا: ”اے اللہ کے رسول! بے شک جب ہم آپ کی خدمت میں ہوتے ہیں اور آپ ہمیں وعظ و نصیحت فرماتے ہیں تو ہمارے دل نرم ہو جاتے ہیں، لیکن جب ہم آپ کے پاس سے نکل کر اپنی عورتوں (اہل و عیال) میں چلے جاتے ہیں اور طرح طرح کے (دنیاوی) کاموں میں مشغول ہو جاتے ہیں تو اس وقت ہمیں اپنے دلوں کی وہ کیفیت بدلی ہوئی محسوس ہوتی ہے۔“ اس پر آپ صلی اللہ علیہ وسلم نے فرمایا: ”اگر تم اس حالت پر ہمیشہ برقرار رہو جس پر میرے پاس ہوتے ہو تو فرشتے تم سے (راستوں میں) مصافحہ کریں۔“
ثابت رحمہ اللہ سے اس حدیث کو حماد رحمہ اللہ کے علاوہ کسی نے روایت نہیں کیا، اور اس کی روایت میں مؤمل رحمہ اللہ منفرد ہیں۔ [المعجم الأوسط/باب الألف/حدیث: 2696]