امام حسن رحمہ اللہ اپنی والدہ سے اور وہ ام المومنین سیدہ عائشہ رضی اللہ عنہا سے روایت کرتی ہیں کہ انہوں نے فرمایا: ”ہم رسول اللہ صلی اللہ علیہ وسلم کے لیے چمڑے کے ایک ایسے مشکیزے میں نبیذ تیار کرتے تھے جس کا بالائی دہانہ باندھ دیا جاتا تھا، وہ لٹکا ہوا ہوتا تھا اور اس میں (پانی نکالنے کے لیے) نچلا سوراخ بھی تھا؛ ہم اسے صبح کے وقت بھگوتے تو آپ صلی اللہ علیہ وسلم اسے شام کو نوش فرماتے، اور اگر اسے شام کو بھگوتے تو آپ صلی اللہ علیہ وسلم اسے صبح کے وقت نوش فرماتے تھے۔“
امام طبرانی رحمہ اللہ فرماتے ہیں: ”اس حدیث کو یونس رحمہ اللہ سے صرف عبد الوہاب رحمہ اللہ نے روایت کیا ہے۔“ [المعجم الأوسط/باب الألف/حدیث: 2745]