فاطمہ بنت الحسین رحمہا اللہ اپنے والد سیدنا حسین بن علی رضی اللہ عنہما سے روایت کرتی ہیں کہ انہوں نے فرمایا: میں نے رسول اللہ صلی اللہ علیہ وسلم کو یہ فرماتے ہوئے سنا: ”جس کسی مسلمان مرد یا عورت کو کوئی مصیبت پہنچے، پھر وہ اسے یاد کرے اگرچہ اس کے وقوع پر کتنا ہی طویل عرصہ گزر چکا ہو، اور وہ (یاد آنے پر) دوبارہ استرجاع یعنی «إنا لله وإنا إليه راجعون» کہے، تو اللہ تعالیٰ اس وقت اس کے لیے (اجر و ثواب) تازہ کر دیتا ہے اور اسے ویسا ہی ثواب عطا فرماتا ہے جیسا اسے اس دن عطا کیا گیا تھا جس دن وہ اس مصیبت میں مبتلا ہوا تھا۔“
امام طبرانی رحمہ اللہ فرماتے ہیں: ”یہ حدیث سیدنا حسین بن علی رضی اللہ عنہما سے صرف اسی سند کے ساتھ مروی ہے، جس کی روایت میں ہشام ابو المقدام منفرد ہیں۔“ [المعجم الأوسط/باب الألف/حدیث: 2768]