سیدنا انس رضی اللہ عنہ سے روایت ہے کہ انہوں نے فرمایا: ”جس صبح مجھے احتلام ہوا (یعنی میں بالغ ہوا)، میں نبی اکرم صلی اللہ علیہ وسلم کی خدمت میں حاضر ہوا اور آپ کو خبر دی کہ مجھے احتلام ہو گیا ہے، تو آپ صلی اللہ علیہ وسلم نے فرمایا: ”اب تم عورتوں کے پاس داخل نہ ہونا۔“ پس مجھ پر اس دن سے زیادہ سخت کوئی دن نہیں گزرا۔“
یحییٰ رحمہ اللہ سے اسے صرف امام مالک رحمہ اللہ نے، اور امام مالک رحمہ اللہ سے اسے صرف زافر رحمہ اللہ نے روایت کیا ہے۔ [المعجم الأوسط/باب الألف/حدیث: 2968]