ام المومنین سیدہ عائشہ رضی اللہ عنہا سے روایت ہے کہ انہوں نے فرمایا: نبی کریم صلی اللہ علیہ وسلم نے مجھ سے فرمایا: ”اے عائشہ! لوگوں میں سب سے جلد ہلاکت کا شکار ہونے والے تمہاری قوم کے لوگ ہوں گے۔“ میں نے عرض کیا: ” «جَعَلَنِي اللهُ فِدَاكَ» (اللہ مجھے آپ پر فدا کرے)، کیا بنو تیم سے؟“ تو آپ صلی اللہ علیہ وسلم نے فرمایا: ”نہیں، بلکہ قریش کا یہ قبیلہ؛ انہیں موتیں اچک لیں گی اور لوگ ان کے (مرتبے کے) باعث ان پر رشک یا حسد کریں گے۔“ میں نے عرض کیا: ”پھر ان کے بعد لوگوں کی کیا بقا ہوگی؟“ آپ صلی اللہ علیہ وسلم نے فرمایا: ”وہ لوگوں کی اصل (ریڑھ کی ہڈی) ہیں، پس جب وہ ہلاک ہو جائیں گے تو (باقی تمام) لوگ بھی ہلاک ہو جائیں گے۔“
ابن ابی ملیکہ رحمہ اللہ سے یہ حدیث صرف عبد اللہ بن مؤمل رحمہ اللہ نے روایت کی ہے۔ [المعجم الأوسط/باب الباء/حدیث: 3066]