سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”تم میں سے کوئی بھی شخص ہرگز فوت نہیں ہوگا جب تک کہ وہ اپنا پورا رزق حاصل نہ کر لے، لہٰذا تم رزق کے ملنے میں تاخیر محسوس نہ کرو، اللہ سے ڈرو اور طلبِ رزق میں عمدہ و پروقار طریقہ اختیار کرو؛ جو حلال ہے اسے لے لو اور جو حرام ہے اسے چھوڑ دو۔“
اس حدیث کو ابو الزبیر رحمہ اللہ سے صرف ابن جریج رحمہ اللہ نے روایت کیا ہے، اور سیدنا جابر رضی اللہ عنہما سے یہ صرف اسی سند کے ساتھ مروی ہے۔ [المعجم الأوسط/باب الباء/حدیث: 3109]