موسیٰ بن طلحہ رحمہ اللہ سے روایت ہے کہ ام المومنین سیدہ عائشہ رضی اللہ عنہا کو یہ اطلاع ملی کہ سیدنا ابن عمر رضی اللہ عنہما فرماتے ہیں: ”اچانک موت مومنوں پر اللہ کی ناراضی کا ایک اظہار ہے۔“ تو انہوں نے فرمایا: ”اللہ تعالیٰ سیدنا ابن عمر رضی اللہ عنہما کی مغفرت فرمائے، رسول اللہ صلی اللہ علیہ وسلم نے تو محض یہ فرمایا تھا: «مَوْتُ الْفَجْأَةِ تَخْفِيفٌ عَنِ الْمُؤْمِنِينَ، وَسَخْطَةٌ عَلَى الْكَافِرِينَ» ”اچانک موت مومن کے لیے (سکراتِ موت میں) تخفیف اور کافر کے لیے اللہ کی ناراضی کا سبب ہے۔““
امام طبرانی رحمہ اللہ فرماتے ہیں: ”اس حدیث کو عبدالملک بن عمیر رحمہ اللہ سے صرف صالح بن موسیٰ طلحی رحمہ اللہ نے روایت کیا ہے۔“ [المعجم الأوسط/باب الباء/حدیث: 3129]