سیدنا ابو کبشہ رضی اللہ عنہ، جو رسول اللہ صلی اللہ علیہ وسلم کے صحابی تھے، بیان کرتے ہیں: رسول اللہ صلی اللہ علیہ وسلم تشریف فرما تھے کہ اتنے میں ایک عورت آپ صلی اللہ علیہ وسلم کے پاس سے گزری، تو آپ صلی اللہ علیہ وسلم اٹھ کر اپنی اہلیہ کے پاس گئے، پھر ہمارے پاس تشریف لائے تو آپ صلی اللہ علیہ وسلم کے سر مبارک سے پانی ٹپک رہا تھا۔ ہم نے عرض کیا: ”اے اللہ کے رسول! لگتا ہے کوئی بات پیش آئی ہے؟“ تو آپ صلی اللہ علیہ وسلم نے فرمایا: ”ہاں، فلاں عورت میرے پاس سے گزری تو میرے دل میں عورتوں کی خواہش پیدا ہوئی، چنانچہ میں اپنی ایک بیوی کے پاس چلا گیا۔ تم بھی ایسا ہی کیا کرو، کیونکہ تمہارے بہترین اعمال میں سے ایک حلال طریقے سے (خواہش پوری) کرنا بھی ہے۔“
(امام طبرانی رحمہ اللہ فرماتے ہیں:) ”یہ حدیث ابو کبشہ رضی اللہ عنہ سے صرف اسی سند سے روایت کی جاتی ہے، اس میں معاویہ بن صالح منفرد ہیں۔“ [المعجم الأوسط/باب الباء/حدیث: 3251]