سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”بلاشبہ اذان دینے والے اور تلبیہ کہنے والے اپنی قبروں سے (اس حال میں) نکلیں گے کہ مؤذن اذان دے رہا ہوگا اور تلبیہ کہنے والا تلبیہ کہہ رہا ہوگا۔“
امام طبرانی رحمہ اللہ فرماتے ہیں: ”اس حدیث کو ابو الزبیر سے ابوبکر ہذلی کے سوا کسی نے روایت نہیں کیا، اور ابوبکر سے ابو الولید ضبی (یعنی عباس بن بکار) کے سوا کسی نے روایت نہیں کیا، اور سیدنا جابر رضی اللہ عنہما سے یہ حدیث صرف اسی سند سے مروی ہے۔“ [المعجم الأوسط/باب الخاء/حدیث: 3558]