سیدنا ابو سعید خدری رضی اللہ عنہ بیان کرتے ہیں کہ عرض کیا گیا: ”اے اللہ کے رسول! کیا ہم صبح کی اذان کے بعد وتر پڑھ لیں؟“ تو رسول اللہ صلی اللہ علیہ وسلم نے فرمایا: ”اذان سے پہلے وتر پڑھ لیا کرو۔“ راوی کہتے ہیں کہ نبی کریم صلی اللہ علیہ وسلم کے زمانے میں اذان طلوعِ فجر کے بعد ہوتی تھی۔ صحابہ رضی اللہ عنہم نے (دوبارہ) عرض کیا: ”کیا ہم اذان کے بعد وتر پڑھ لیں؟“ تو رسول اللہ صلی اللہ علیہ وسلم نے فرمایا: ”اذان سے پہلے وتر پڑھ لیا کرو۔“ پھر انہوں نے تیسری بار عرض کیا: ”کیا ہم اذان کے بعد وتر پڑھ لیں؟“ تو آپ صلی اللہ علیہ وسلم نے فرمایا: ”اذان کے بعد بھی وتر پڑھ لو۔“ اس طرح آپ صلی اللہ علیہ وسلم نے انہیں رخصت دے دی۔
امام طبرانی رحمہ اللہ فرماتے ہیں: ”اس حدیث کو ابو سفیان سعدی سے یوسف بن خالد سمتی کے سوا کسی نے روایت نہیں کیا، اس میں ان کے بیٹے (خالد) ان سے روایت کرنے میں منفرد ہیں۔“ [المعجم الأوسط/باب الخاء/حدیث: 3560]