سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم سے اس عورت کے بارے میں دریافت کیا گیا جس کا شوہر ہو، اس کے پاس مال بھی ہو، مگر شوہر اسے حج کی اجازت نہ دیتا ہو؟ تو آپ صلی اللہ علیہ وسلم نے فرمایا: ”اس کے لیے اپنے شوہر کی اجازت کے بغیر جانا جائز نہیں۔“
امام طبرانی رحمہ اللہ فرماتے ہیں: ”اس حدیث کو نافع سے ابراہیم صائغ کے سوا کسی نے روایت نہیں کیا، اور ابراہیم سے حسان بن ابراہیم کے سوا کسی نے روایت نہیں کیا، اور اس میں محمد بن ابی یعقوب کرمانی منفرد ہیں۔“ [المعجم الأوسط/باب العين/حدیث: 4247]