سیدنا انس بن مالک رضی اللہ عنہ، سیدنا ابو قتادہ رضی اللہ عنہ سے روایت کرتے ہیں کہ انہوں نے فرمایا: رسول اللہ صلی اللہ علیہ وسلم نے ارشاد فرمایا: ”میری تمام امت عافیت یافتہ ہے، سوائے اس شخص کے جو رات کے وقت کوئی (برا) کام کرتا ہے، پھر جب صبح ہوتی ہے تو اس کے رب نے اس کی پردہ پوشی فرمائی ہوتی ہے، مگر وہ (خود ہی دوسروں سے) کہتا ہے: اے فلاں! میں نے گزشتہ رات ایسا اور ایسا کام کیا تھا؛ یا آپ صلی اللہ علیہ وسلم نے یوں فرمایا: اس نے رات اس حال میں گزاری کہ اس کا رب اس کے عیب کو چھپائے ہوئے تھا اور جب صبح ہوئی تو اس نے اللہ کی (دی ہوئی) پردہ پوشی کو خود ہی فاش کر دیا۔“
یہ حدیث سیدنا ابو قتادہ رضی اللہ عنہ سے صرف اسی سند کے ساتھ مروی ہے، اور اسے بیان کرنے میں حسن بن علی حلوانی رحمہ اللہ منفرد ہیں۔ [المعجم الأوسط/باب العين/حدیث: 4498]