سیدنا ابوبکرہ رضی اللہ عنہ سے روایت ہے کہ رسول اللہ صلی اللہ علیہ وسلم مدینہ کے مضافات سے نماز کے ارادے سے تشریف لائے، تو آپ صلی اللہ علیہ وسلم نے دیکھا کہ لوگ (باجماعت) نماز پڑھ چکے ہیں، چنانچہ آپ صلی اللہ علیہ وسلم اپنے گھر کی طرف تشریف لے گئے، اپنے اہل خانہ کو جمع کیا اور انہیں نماز پڑھائی۔
امام طبرانی رحمہ اللہ فرماتے ہیں: ”خالد الحذاء رحمہ اللہ سے اس حدیث کو صرف ابو مطیع معاویہ بن یحییٰ رحمہ اللہ نے روایت کیا ہے، اور سیدنا ابوبکرہ رضی اللہ عنہ سے یہ حدیث صرف اسی سند کے ساتھ مروی ہے۔“ [المعجم الأوسط/باب العين/حدیث: 4601]