سیدہ ام نصر محاربیہ رضی اللہ عنہا بیان کرتی ہیں کہ ایک آدمی نے نبی صلی اللہ علیہ وسلم سے جلالہ (نجاست کھانے والے جانور) کے بارے میں سوال کیا تو آپ صلی اللہ علیہ وسلم نے فرمایا: ”کیا وہ گھاس نہیں چرتا اور درختوں کے پتے نہیں کھاتا؟“ راوی کہتے ہیں: غالباً اس شخص نے کہا: ”کیوں نہیں۔“ تو آپ صلی اللہ علیہ وسلم نے فرمایا: ”پھر اس کا گوشت کھا لو۔“
امام طبرانی رحمہ اللہ فرماتے ہیں: ”یہ حدیث ام نصر محاربیہ رضی اللہ عنہا سے صرف اسی سند کے ساتھ مروی ہے، ابراہیم بن مختار اس کی روایت میں منفرد ہیں۔“ [المعجم الأوسط/باب الميم/حدیث: 5069]