سیدنا عبادہ بن صامت رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”ہمارا رب تبارک و تعالیٰ ہر رات جب رات کا آخری تہائی حصہ باقی رہ جاتا ہے تو آسمانِ دنیا پر نزول فرماتا ہے اور فرماتا ہے: کیا کوئی میرا بندہ ہے جو مجھ سے دعا کرے تو میں اس کی دعا قبول کروں؟ کیا کوئی اپنی جان پر ظلم کرنے والا ہے جو مجھ سے دعا کرے تو میں اسے بخش دوں؟ کیا کوئی تنگی رزق میں مبتلا ہے؟ کیا کوئی مظلوم ہے جو مجھے یاد کرے تو میں اس کی مدد کروں؟ کیا کوئی قیدی (یا مصیبت زدہ) ہے جو مجھ سے دعا کرے تو میں اس کی مدد کروں؟“ آپ صلی اللہ علیہ وسلم نے فرمایا: ”یہی کیفیت صبح روشن ہونے تک رہتی ہے، پھر ہمارا رب عز و جل اپنی کرسی پر بلند ہو جاتا ہے۔“
امام طبرانی رحمہ اللہ فرماتے ہیں: ”یہ حدیث عبادہ بن صامت رضی اللہ عنہ سے صرف اسی سند کے ساتھ روایت کی جاتی ہے، اس میں عبدالرحمن بن مبارک منفرد ہیں۔“ [المعجم الأوسط/باب الميم/حدیث: 6079]