سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جس نے ہر نماز کے بعد تینتیس مرتبہ تکبیر کہی (اللہ اکبر کہا)، تینتیس مرتبہ تسبیح بیان کی (سبحان اللہ کہا) اور تینتیس مرتبہ حمد بیان کی (الحمد للہ کہا)، اور سو کا عدد پورا کرنے کے لیے یہ کلمات کہے: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ» ”اللہ کے سوا کوئی معبودِ برحق نہیں، وہ اکیلا ہے، اس کا کوئی شریک نہیں، بادشاہت اسی کی ہے اور تمام تعریفیں اسی کے لیے ہیں، اور وہ ہر چیز پر پوری قدرت رکھنے والا ہے“؛ تو اس کے گناہ بخش دیے جاتے ہیں اگرچہ وہ سمندر کی جھاگ سے بھی زیادہ ہوں۔“ [المعجم الأوسط/باب الألف/حدیث: 725]