سیدنا جابر بن عبداللہ رضی اللہ عنہما سے روایت ہے کہ انہوں نے فرمایا: میں نے رسول اللہ صلی اللہ علیہ وسلم کو فرماتے ہوئے سنا: ”میں تم سے پہلے (حوض پر) پہنچ کر تمہارا استقبال کرنے والا ہوں، پس اگر تم مجھے (وہاں) نہ پاؤ تو میں حوض پر ہوں گا، اور حوض (کی وسعت) «أيلة» سے مکہ تک کے برابر ہے، اور یقیناً کچھ مرد اور عورتیں برتن اور مشکیزے لے کر (وہاں) آئیں گے۔“
ابن جریج رحمہ اللہ سے اس حدیث کو حجاج رحمہ اللہ کے علاوہ کسی نے روایت نہیں کیا۔
دار الحرمین کے مطبوعہ نسخے میں اسی طرح ہے، اور مصنف کی دیگر کتب مثلاً معاجم وغیرہ کے اکثر مقامات پر اور لسان المیزان میں بھی اسی طرح درج ہے۔ تہذیب الکمال کے محقق رحمہ اللہ (24/581) فرماتے ہیں کہ نسخوں کے حواشی میں صاحبِ کمال پر مؤلف کا تعاقب منقول ہے جس کی عبارت یہ ہے: ”اس میں احمد بن بشر تھا اور وہ غلط ہے“۔ جبکہ تاریخِ بغداد اور تاریخِ اسلام میں (بشر) ہی منقول ہے، واللہ اعلم۔ [المعجم الأوسط/باب الألف/حدیث: 749]