سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جب تم میں سے کوئی کسی عورت سے نکاح کرنے کا ارادہ کرے، تو اس میں کوئی حرج نہیں کہ وہ اسے دیکھ لے۔“
اس حدیث کو ثابت رحمہ اللہ سے صرف معمر رحمہ اللہ نے روایت کیا ہے اور اسے بیان کرنے میں عبدالرزاق رحمہ اللہ منفرد ہیں۔
دار الحرمین کے مطبوعہ نسخے، مصنف کی اکثر کتب، معاجم وغیرہ اور لسان المیزان میں اسی طرح (احمد بن بشیر) ہی مذکور ہے، جبکہ تہذیب الکمال کے محقق کا کہنا ہے: ”نسخوں کے حواشی میں صاحبِ کمال پر مؤلف کا تعاقب منقول ہے کہ: ’اس میں احمد بن بشر لکھا تھا حالانکہ یہ غلط ہے‘۔“ اور تاریخِ بغداد و تاریخِ اسلام میں (بشر) منقول ہے، واللہ اعلم۔ [المعجم الأوسط/باب الألف/حدیث: 750]