سیدنا ابن عمر رضی اللہ عنہما سے روایت ہے کہ انہوں نے فرمایا: ”رسول اللہ صلی اللہ علیہ وسلم شفع اور وتر کے درمیان سلام کے ذریعے فصل (وقفہ) فرماتے تھے اور وہ سلام ہمیں سناتے بھی تھے۔“
ابوحمزہ السکری رحمہ اللہ کے علاوہ کسی نے یہ حدیث ابراہیم الصائغ رحمہ اللہ سے روایت نہیں کی۔
دار الحرمین کے مطبوعہ نسخے، مصنف کی اکثر کتب و معاجم اور لسان المیزان میں بھی اسی طرح ہے، جبکہ تہذیب الکمال کے محقق (24 / 581) نے کہا ہے کہ نسخوں کے حواشی میں صاحبِ کمال پر مؤلف کا یہ تعاقب درج ہے: ”اس میں احمد بن بشر تھا اور یہ غلطی ہے“۔ اور جو تاریخ بغداد اور تاریخ الاسلام میں ہے وہ (بشر) ہی ہے، واللہ اعلم۔ [المعجم الأوسط/باب الألف/حدیث: 753]