سیدنا عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم جمعہ کے دن خطبہ ارشاد فرما رہے تھے کہ ایک شخص لوگوں کی گردنیں پھلانگتا ہوا (مسجد میں) داخل ہوا، تو رسول اللہ صلی اللہ علیہ وسلم نے فرمایا: ”تم میں سے کوئی دیر سے آتا ہے، پھر لوگوں کی گردنیں پھلانگ کر انہیں تکلیف دیتا ہے!“ اس نے عرض کیا: ”میں نے تو بس اذان سنی اور وضو کیا (اتنی ہی دیر ہوئی)۔“ آپ صلی اللہ علیہ وسلم نے فرمایا: ”کیا آج کا دن وضو کا دن ہے؟“ (یعنی جمعہ کے دن غسل اور جلدی آنا مطلوب ہے)
امام طبرانی رحمہ اللہ فرماتے ہیں: ”اس حدیث کو عکرمہ سے عمر بن ولید کے سوا کسی نے روایت نہیں کیا، اور ان (عمر بن ولید) سے بشر بن سری کے سوا کسی نے روایت نہیں کیا، اس میں محمد بن ابی عمر منفرد ہیں۔“ [المعجم الأوسط/باب الميم/حدیث: 8001]