ام المومنین سیدہ صفیہ رضی اللہ عنہا بیان کرتی ہیں: ”رسول اللہ صلی اللہ علیہ وسلم میرے پاس تشریف لائے تو میں رو رہی تھی۔ آپ صلی اللہ علیہ وسلم نے فرمایا: ”اے حیی کی بیٹی! تمہیں کس چیز نے رلایا ہے؟“ میں نے عرض کیا: ”مجھے خبر پہنچی ہے کہ عائشہ اور حفصہ رضی اللہ عنہما میرے بارے میں زبان درازی کرتی ہیں اور کہتی ہیں: ”ہم اس سے بہتر ہیں، ہم رسول اللہ صلی اللہ علیہ وسلم کے چچا کی بیٹیاں بھی ہیں اور آپ صلی اللہ علیہ وسلم کی بیویاں بھی۔“ آپ صلی اللہ علیہ وسلم نے فرمایا: ”تم نے یہ کیوں نہ کہہ دیا: ”تم دونوں مجھ سے بہتر کیسے ہو سکتی ہو، جبکہ میرے والد ہارون (علیہ السلام) ہیں، میرے چچا موسیٰ (علیہ السلام) ہیں اور میرے شوہر محمد صلی اللہ علیہ وسلم ہیں؟““ [المعجم الأوسط/باب الميم/حدیث: 8503]