سیدنا ابوبکر صدیق رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے ایسے نسب کا دعویٰ کیا جس کا کوئی علم نہیں تو اس نے اللہ کے ساتھ کفر کیا، اور کسی نسب سے لاتعلقی اختیار کرنا، خواہ وہ کتنا ہی معمولی ہو، اللہ کے ساتھ کفر ہے۔“
امام طبرانی رحمہ اللہ فرماتے ہیں: ”اس حدیث کو اعمش سے مرفوع صرف حجاج نے بیان کیا ہے، اور حجاج سے اسے مرفوعاً صرف حماد بن سلمہ نے بیان کیا ہے، اور اسے بیان کرنے میں عمر بن موسیٰ حادی منفرد ہیں۔“ [المعجم الأوسط/باب الميم/حدیث: 8575]