یعقوب بن عفیف بن مسیب رحمہ اللہ سے روایت ہے کہ انہوں نے رسول اللہ صلی اللہ علیہ وسلم کے صحابی سیدنا ابو ایوب رضی اللہ عنہ سے اس آدمی کے بارے میں پوچھا جو اپنے گھر میں نماز پڑھ لیتا ہے، پھر مسجد میں آتا ہے اور وہی نماز (جماعت سے ہوتی) پا لیتا ہے، کیا وہ لوگوں کے ساتھ دوبارہ پڑھے یا نہیں؟ تو سیدنا ابو ایوب رضی اللہ عنہ نے فرمایا: ہم نے اس بارے میں رسول اللہ صلی اللہ علیہ وسلم سے پوچھا تھا تو آپ صلی اللہ علیہ وسلم نے فرمایا: ”ہاں، وہ اسے دوبارہ پڑھے، اور یہ اسے جماعت (میں شریک ہونے والوں) کے حصے کے ثواب میں شامل کر دے گی۔“
امام طبرانی رحمہ اللہ فرماتے ہیں: ”یہ حدیث سیدنا ابو ایوب رضی اللہ عنہ سے صرف اسی سند سے مروی ہے، اس میں بکیر بن اشج رحمہ اللہ منفرد ہیں۔“ [المعجم الأوسط/باب الميم/حدیث: 8683]